Jedes Zü hot an Weg

Autor: Andreas Hollinek

I sitz aufm Radl
und foa gegan Wind.
A wann i bergo foa,
es geht ned so gschwind.

Kumm, wüst ned mit mia foan?
Heast, foa ma zu zweit!
Dann is ned so fad
und da Weg ned so weit!

Du sogst, i valong do
von dia vü zu vü.
Dann foari hojt weida;
da Weg is des Zü.

I bin ma ned sicha,
ob des a so stimmt;
wäu Wege gibts vüle,
sobojd ma sie nimmt.

Und irgendwo find si
da deine mit mein,
i gfrei mi aufs Neichterl
mit dir durtn zsein.

Du sogst, des warat
ganz anders und schräg.
Probier mas hojt aus:
jedes Zü hot an Weg.

• Übersetzung ins Hochdeutsche

Siehe auch

• Andreas Hollinek
• Fühlmal
• Gedichte, Prosagedichte, Lyrik
• Kreativität
• Lebendige Prosa
• Schreiben / Verlagsservice für Autoren und solche, die es werden wollen
• Verlag finden für die Veröffentlichung eigener Werke
• Wienerlied / Wienerlieder